Trajneri i Real Madridit, Carlo Ancelotti ka folur për aftësinë e Jude Bellingham për të gjetur rrjetën, pasi lojtari i ri shënoi sërish.
Mesfushori anglez shënoi në minutën e 95-të kundër Getafes të shtunën, goli i tij i pestë në katër ndeshje për Madridin, shkruan Arbresh.info.
“Los Blancos” ishin duke humbur 1-0 në pjesën e parë përpara se të riktheheshin pas pushimit.
Pas lojës, Ancelotti pranoi se Bellingham mund të përballonte ngarkesën e sulmit në mungesë të Karim Benzema këtë vit.
“Ai mund të shënojë 15 gola pa problem,” tha ai në një konferencë për shtyp. “Ai bie në sy sepse lëviz shumë mirë pa top. Kjo është cilësia kryesore e tij. Ai thyen linjat, ka një lëvizje të shkëlqyer, konstante, prandaj shënon kaq shumë gola. Ai ishte shumë i qetë, shumë i fokusuar. Ai me të vërtetë donte të luante këtu, por e kam parë shumë të qetë, shumë të fokusuar në lojë”.
Trajneri i Madridit theksoi gjithashtu se një ndryshim në stilin e lojës ka ndihmuar Bellingham, i cili shënoi vetëm tetë gola për Dortmundin vitin e kaluar, të evoluojë.
“Ne i kemi treguar atij video të asaj që na pëlqente tek ai kur luante për Dortmundin”, tha ai. “Ajo që ka ndryshuar është se ai lëviz shumë. Ai bën më shumë, lëvizje pa top në zonën rivale. Ai është një lojtar që driblon gjithmonë për të shkuar drejt portës rivale, jo për të shkuar mbrapa”.
Bellingham është përfshirë në skuadrën e Anglisë për ndeshjen kualifikuese të Tre Luanëve për Euro 2024 kundër Ukrainës dhe miqësore me Skocinë./Arbresh.info/
Gazeta spanjolle shkruan për Vlorën: Eksploroni perlën e fsh...
21 të vdekur nga një sulm izraelit në një xhami në Gaza
OBSH miraton testin e parë diagnostikues të lisë së majmunit...
Vdes vëllai i Jakup Krasniqit, Azem Krasniqi
Dita e ndeshjeve në Superligë: Derbi në Podujevë, interesant...
Të shtëna me armë zjarri në Mitrovicë, lëndohet një person